Oxirgi yangilanish: 18.10.2026
"2-Miya" botiga xush kelibsiz! Botdan foydalanishni boshlash orqali siz quyidagi oddiy qoidalarga rozilik bildirasiz:
- Xizmat haqida: Bot va Mini App sizga ovozli hamda matnli eslatmalar yaratish, jamoaviy eslatmalar qoʻyish va Google Calendar bilan integratsiya qilish imkonini beradi.
- 7 kun bepul: Har bir yangi foydalanuvchi uchun 7 kunlik toʻliq bepul sinov muddati taqdim etiladi.
- Toʻlov va obuna: Sinov muddati tugagach, xizmatdan foydalanishni davom ettirish uchun oʻzingizga mos tarifni tanlaysiz. Toʻlov qilingach, bajarilgan obuna summasi qaytarilmaydi (xizmat toʻliq toʻxtatilgan hollar bundan mustasno).
- Avto-toʻlov (obunani avtomatik uzaytirish): Ixtiyoriy xizmat, faqat bir oylik va undan uzoq tariflarda ishlaydi. Toʻlov sahifasida «… shu kartadan … avtomatik yechilishiga roziman» belgisi bilan tasdiqlab, kartangizni ulaganingizda yoqiladi.
• Karta maʼlumotlari Rahmat toʻlov tizimining himoyalangan sahifasida kiritiladi. 2-Miya karta raqami, amal qilish muddati va SMS-kodlarni koʻrmaydi va saqlamaydi — faqat toʻlov tizimi bergan token (shifrlangan holda) va kartaning yashirilgan raqami saqlanadi.
• Obunangiz tugagan boʻlsa, birinchi toʻlov karta ulangandan soʻng darhol yechiladi; faol boʻlsa — joriy muddat tugagan kuni. Keyin har davr oxirida tanlangan tarifning amaldagi narxi yechiladi va obuna yana shu muddatga uzaytiriladi.
• Har bir navbatdagi yechishdan 1 kun oldin botda sana, summa va karta koʻrsatilgan xabar yuboriladi. Tarif narxi oʻzgarsa, yangi narx faqat keyingi yechishdan qoʻllanadi va shu xabarda koʻrsatiladi.
• Toʻlov oʻtmasa (mablagʻ yetarli emas, karta bloklangan va h.k.), keyingi kunlarda yana urinib koʻriladi. Ketma-ket 3 urinish oʻtmasa, avto-toʻlov oʻchiriladi va bu haqda xabar beriladi.
• Avto-toʻlovni istalgan vaqtda Mini App → Obunam → «Avto-toʻlovni oʻchirish» tugmasi bilan oʻchirasiz. Shundan soʻng kartadan pul yechilmaydi, toʻlangan obuna esa muddati oxirigacha ishlaydi. Avto-toʻlov yoki profilingiz oʻchirilganda karta tokeni toʻlov tizimida ham bekor qilinadi.
• Avto-toʻlov orqali yechilgan summaga ham “Toʻlov va obuna” sharti qoʻllanadi. Texnik xato tufayli ortiqcha yoki bir davr uchun ikki marta yechilgan summa qaytariladi — buning uchun quyida koʻrsatilgan manzilga yozing.
- Texnik holat: Biz eslatmalarni oʻz vaqtida yetkazish uchun barcha choralarni koʻramiz. Biroq Telegram va boshqa tashqi xizmatlar (masalan, Google Calendar) ishida yuzaga kelgan uzilishlar uchun javobgar emasmiz.
- Toʻxtatish: Siz istalgan vaqtda botdan foydalanishni toʻxtatishingiz va maʼlumotlaringizni oʻchirishni soʻrashingiz mumkin.
Yordam yoki takliflar uchun: @muhriddinorzimatov